மலேசியத் முன்னால் தமிழ்ப்பள்ளி மாணவர்கள் சங்கம் (PERTAMA) பினாங்கு கிளை, தமிழ்ப் பள்ளி மாணவர்களின் கல்வியை மேம்படுத்தும் நோக்கில் முக்கியமான முயற்சிகளை மேற்கொண்டுள்ளது. பினாங்கு அருள்மிகு ஸ்ரீ பாலதண்டாயுதபாணி கோவில் வளாகத்தில் அமைக்கப்பட்ட “கல்விக்காக தனிக் சேவை முகாம்” மூலமாக, பள்ளி மாணவர்களின் கல்வி உரிமை உறுதிப்படுத்தப்பட்டுள்ளது.
PERTAMA தலைவர் டத்தோ’ RRM கிருஷ்ணன், தலைவர் எஸ். வேலாயுதம் மற்றும் நிர்வாகக் குழு உறுப்பினர்கள் இணைந்து பினாங்கு மாநிலத் தலைமை ஆசிரியர் மன்றத்துடன் கூட்டாக இந்த சிறப்பு சேவையை முன்னெடுத்துள்ளனர் என திரு. தியாகராஜ் சங்கரநாராயணன் தெரிவித்துள்ளார்.
முக்கிய சேவைகள்:
✅ பள்ளி தவற விட்ட மாணவர்களை மீண்டும் கல்விக்கு அழைத்தல்
✅ SJKT பள்ளிகளில் முதல் ஆண்டு (தரம் 1) மாணவர் பதிவு
✅ தமிழ்ப் பள்ளிகளில் பழைய மாணவர் சங்கம் (Alumni) அமைத்தல்
✅ SJKT பள்ளிகளின் வரலாறு மற்றும் வளர்ச்சியைப் பற்றிய கண்காட்சி நடத்தல்
✅ பினாங்கு தமிழ்ப்பள்ளிகளுக்கு பொருளாதார உதவி திரட்டல்
தமிழ் கல்விக்காக உறுதிமொழி
இந்த முயற்சியின் முக்கிய நோக்கம் – தமிழ்ப் பள்ளி மாணவர்களுக்கு கல்வியில் இடைவெளி ஏற்படாமல் பாதுகாக்க, அவர்களை மீண்டும் பள்ளிக்குள் கொண்டு வருவது. கல்வி குறித்த சரியான தகவல்களை பெற்றுக்கொள்வதற்கும், தமிழ்ப் பள்ளிகளின் வளர்ச்சிக்காக சமூகத்தின் ஒத்துழைப்பை உறுதி செய்வதற்கும் இந்த சேவை முக்கியமானது.
பொதுமக்களின் கருத்துகள், ஆலோசனைகள் மற்றும் கோரிக்கைகள் PERTAMA அமைப்பால் தொகுக்கப்பட்டு, சம்பந்தப்பட்ட அதிகாரிகளிடம் நடவடிக்கை மேற்கொள்ள ஒப்படைக்கப்படும்.
கல்வி வளர்ச்சி – விழிப்புணர்வு கவிதை:
இளம் மனம் கனவில் செல்வது,
அறிவுதான் அழிக்காத செல்வம்.
தமிழ்ப்பள்ளி உயர வளரட்டும்,
உயர்ந்த சாதனை எல்லாம் கிடைக்கட்டும்!
