Picture : Awani
மலேசியா ஊழியர் நிதியாளர் கழகம் (KWSP) அறிவித்ததாவது, அக்டோபர் 2025 முதல் மலேசியர் அல்லாத தொழிலாளர்களை தானாகவே பதிவு செய்யும் (automatic registration) புதிய முறை அமலுக்கு வரும் என தெரிவித்துள்ளது. இந்த முயற்சி, நாட்டில் பணிபுரியும் வெளிநாட்டு தொழிலாளர்கள் அனைவரும் சமூக பாதுகாப்பு மற்றும் சேமிப்பு திட்டத்தின் கீழ் சேர்க்கப்படுவதை உறுதி செய்யும் நோக்கத்துடன் மேற்கொள்ளப்படுகிறது.
KWSP தலைவர் கூறியதாவது, பல வெளிநாட்டு தொழிலாளர்கள் இன்னும் தங்களது சேமிப்பு திட்டத்தில் பதிவு செய்யாததால், அவர்கள் ஓய்வுக்கால பாதுகாப்பை இழந்து வருகிறார்கள். இதனால், அரசு மற்றும் KWSP இணைந்து ‘(automatic registration)‘ பதிவு முறையை அறிமுகப்படுத்த முடிவு செய்துள்ளது.
இந்த புதிய முறையின் கீழ், வேலை வழங்குநர்கள் வெளிநாட்டு தொழிலாளர்களின் விவரங்களை தானாகவே KWSP அமைப்புடன் இணைப்பார்கள். இதனால், ஒவ்வொரு தொழிலாளரும் தங்கள் ஊதியத்தில் இருந்து ஒரு பகுதியை சேமிப்பாகப் பெறுவார்கள். மேலும், இந்த மாற்றம் வேலை வழங்குநர்களுக்கும் வெளிநாட்டு ஊழியர்களுக்கும் எளிதான நிர்வாக முறையை வழங்கும் என எதிர்பார்க்கப்படுகிறது.
KWSP தெரிவித்தது, இந்த ‘ (automatic registration)‘ பதிவு முறை நாடு முழுவதும் வெளிநாட்டு தொழிலாளர்களின் நலனை மேம்படுத்தும் ஒரு முக்கியமான படியாக இருக்கும். இது பொருளாதார பாதுகாப்பை வலுப்படுத்தும் எனவும் கூறப்பட்டது.
