சென்னை, 2 நவ. – ஐப்பசி மாத பௌர்ணமி ஆன்மீக ரீதியாக மிகச் சிறப்பான நாளாகக் கருதப்படுகிறது. இந்த நாளில் மேற்கொள்ளப்படும் வழிபாடுகள் வாழ்க்கையில் செல்வம், அமைதி மற்றும் உயர்வை ஈர்க்கும் சக்தி கொண்டதாக நம்பப்படுகிறது.
அந்த நாளில் காலை நேரத்தில் குளித்துவிட்டு வீட்டில் உள்ள பூஜை அறையில் தீபம் ஏற்றி, முருகப் பெருமானை “ஓம் சரவண பவ” என்ற மந்திரத்துடன் மனமார வழிபடுவது முக்கியம். மேலும் குளிகை நேரத்தில் பனங்கற்கண்டு, சுக்கு, வசம்பு போன்ற பொருட்களை வாங்கி வைத்து முருகனைப் பிரார்த்திப்பது நலன்களைத் தரும் என கூறப்படுகிறது.
சந்திரன் பூரண ஒளி வழங்கும் பௌர்ணமி நாளில், மன உறுதியுடன் செய்யப்படும் வழிபாடுகள் பல மடங்கு பலனளிக்கும் என ஆன்மீக அறிஞர்கள் விளக்குகின்றனர். அந்நாளில் பிறருக்கு உணவளித்தல், நற்செயல் செய்வது போன்றவை செல்வ செழிப்பையும் நிம்மதியையும் பெருக்கும் என்று நம்பப்படுகிறது.
பொதுவாக, ஐப்பசி பௌர்ணமி நாளில் மனக்கவலை, பண நெருக்கடி ஆகியவற்றை விடுத்து, நல்ல எண்ணங்களுடன் வழிபாடு செய்தால், வாழ்க்கையில் முன்னேற்றமும் அமைதியும் கிடைக்கும் என்பதே நம்பிக்கை.
