picture :awani
கோலாலம்பூர்:27 மே 2025 :
மலேசியாவைச் சேர்ந்த தொழில்நுட்ப ஆர்வலர் ஜானா, செயற்கை நுண்ணறிவை (AI) பயன்படுத்தி மிகக் குறைந்த அளவிலான மின்சார சக்தியால் மைக்ரோவேவ் ஓவனை ஒரு மணி நேரம் இயக்க முடிந்ததாக கூறும் வீடியோவை இணையத்தில் பகிர்ந்துள்ளார். இது தற்போது சமூக ஊடகங்களில் வைரலாக பரவியுள்ளது.
ஜானா பகிர்ந்த வீடியோவில், அவர் AI வழிகாட்டுதலுடன் ஒரு புதிய சக்தி மேலாண்மை முறைமையை வடிவமைத்ததாகவும், அதற்குப் பயனாக ஒரு சாதாரண மைக்ரோவேவ் ஓவன் ஒரே அளவிலான சக்தியால் ஒரு முழு மணி நேரம் தொடர்ந்து இயங்கியதாகவும் கூறியுள்ளார். பொதுவாக, மைக்ரோவேவ் ஓவன்கள் அதிக மின்சாரம் உள்வாங்கும் சாதனங்களில் ஒன்றாகும். ஆனால் ஜானா பயன்படுத்திய AI அலகு, சக்தி செலவினத்தை கணக்கிட்டு அதனை சீராகப் பகிர்ந்து, அதிக நேரம் செயல்பட உதவியதாக தெரிவிக்கிறார்.
இந்த கண்டுபிடிப்பு, எதிர்காலத்தில் வீட்டுக் கருவிகள் எவ்வாறு செயல்படலாம் என்பதற்கான புதிய வாய்ப்புகளைத் திறந்து விடும் என்றும், மின் சக்தி சேமிப்பில் இது பெரும் புரட்சியாக இருக்கக்கூடும் என்றும் தொழில்நுட்ப வல்லுநர்கள் பாராட்டுகின்றனர்.
ஜானாவின் இந்த வீடியோவில், அதற்கான தொழில்நுட்ப விளக்கங்களும், கிராப்கள் மற்றும் நேரடி சோதனைகளும் இடம்பெற்றுள்ளன. பலரும் அவரது முயற்சியை பாராட்டி சமூக ஊடகங்களில் ஊக்கமளித்து வருகின்றனர். சிலர் இது பற்றி மேலும் தெளிவான தொழில்நுட்ப விவரங்களை கேட்டும் வருகின்றனர்.
எனினும், சில நெட்டிசன்கள் இதைப் பற்றிய உண்மை நிலையைப் பற்றி சந்தேகம் கொண்டுள்ளனர். வீடியோவை ஆராய்ந்து பார்க்கும் தொழில்நுட்ப நிபுணர்கள், இது உண்மையில் சாத்தியமாக இருந்தால், அதன் தொழில்நுட்ப நுட்பங்களைப் பகிர வேண்டும் எனக் கோருகின்றனர்.
ஜானா, இதற்கான விரிவான பத்திரிகை அறிக்கையை விரைவில் வெளியிடவுள்ளதாகவும், அதன் மூலக் கோடுகள் (source code) மற்றும் வரைபடங்களை GitHub-ல் பகிர உள்ளதாகவும் தெரிவித்துள்ளார்.
–முல்லை மலர் பொன் மலர் சோழன்
