ஜெர்மனி, 01 நவ. – மலேசியாவின் முன்னணி ஆண்கள் பேட்மிண்டன் டபிள்ஸ் வீரர்கள் மன்வே சாங் மற்றும் டீ கை வுன் ஆகியோர் ஜெர்மனியில் நடைபெறும் HYLO ஓபன் சீர் 500 தொடரின் அரையிறுதிக்கு தகுதி பெற முடியாமல் தடுமாறினர்.
இவர்கள் இன்று நடைபெற்ற காலிறுதி ஆட்டத்தில் இந்தோனேசியாவின் சபர் கார்யமன் குதாமா மற்றும் முகமது ரேசா பஹ்லேவி இஸ்பஹானி என்ற ஜோடிக்கு எதிராக 21–16, 21–15 என்ற நேரடியான செட்களில் தோல்வி அடைந்தனர். ஆரம்பத்தில் சில புள்ளிகளில் முன்னிலை பெற்றபோதும், தொடர்ந்து நடந்த தவறுகள் காரணமாக மலேசிய ஜோடி மீண்டும் நிலைநிறுத்த முடியாமல் போனது.
இந்த முடிவால், மலேசிய அணியின் சார்பாக எந்த ஆட்டக்காரரும் HYLO ஓபன் தொடரின் அரையிறுதி அல்லது இறுதிப்போட்டிக்குள் நுழைய முடியாத நிலை ஏற்பட்டுள்ளது.
மன்வே சாங் – டீ கை வுன் ஜோடி சமீபத்தில் பல போட்டிகளில் நம்பிக்கை அளிக்கும் ஆட்டத்தை வெளிப்படுத்தி வந்தனர். இருப்பினும், ஜெர்மனியில் நடந்த இன்றைய ஆட்டம் அவர்களின் ரிதம் மற்றும் ஒருங்கிணைப்பு குறைவாக இருந்தது என பயிற்சியாளர் தெரிவித்துள்ளார்.
மலேசிய பேட்மிண்டன் அணி இப்போது வரும் சீசனுக்கான தயாரிப்பை மீண்டும் மதிப்பாய்வு செய்ய உள்ளது.
