பாங்காக், 19 பிப்ரவரி — தாய்லாந்தில் மலேசிய தூதரகம், மலேசியாவின் 15 வேலை மோசடி பாதிப்பவர்களை மீட்டு நாடு திருப்புவதற்கான இறுதி கட்ட நடவடிக்கைகளை மேற்கொண்டு வருகிறது. அவர்களின் திரும்பு பயணம் இந்த வாரத்திற்குள் நடைபெறும் என எதிர்பார்க்கப்படுகிறது.
மலேசியாவில் தற்காலிகமாகப் பணியாற்றும் தாய்லாந்து அதிகாரி பாங் யிக் ஜுய், விஸ்மா புத்திரா மற்றும் வெளிநாட்டமைச்சர் மொகமட் ஹசன் இந்த விவகாரத்திற்கு மிகுந்த முக்கியத்துவம் அளித்துள்ளதாகக் கூறினார்.
மியான்மரில் உள்ள மலேசிய தூதரகம் மற்றும் தாய்லாந்து அதிகாரிகளுடன் இணைந்து, பாதிக்கப்பட்டவர்களை நாடு திருப்பும் நடவடிக்கைகள் எளிதாக நடைபெறுவதை உறுதிப்படுத்த தாய்லாந்தில் உள்ள மலேசிய தூதரகம் செயல்பட்டு வருகிறது.
“இந்த வேலைகள் விரைவில் நிறைவடைய வேண்டும். குறிப்பாக, அவர்களில் சிலருக்கு பயணப் கடப்பிதழ் இல்லை, மேலும் சிலர் அவர்களின் வீசா காலத்தை மீறிய நிலையில் உள்ளனர். இந்த ஆவணங்களை சரிசெய்யும் பணிகள் நடந்து வருகின்றன,” என்று பாங் யிக் ஜுய் தெரிவித்தார்.
கடந்த வாரம் புதன்கிழமை வெளியான தகவலின்படி, மியான்மர் எல்லை நகரங்களில் உள்ள கே.கே. பார்க் மற்றும் ஷ்வே கோக்கோ பகுதிகளில் இருந்து 260 வேலை மோசடி பாதிப்பவர்களை மீட்கப்பட்டது. இதில் 15 பேர் மலேசியர்கள் உள்ளடங்குவர்.
இந்த 15 மலேசியர்களில் 19 முதல் 44 வயதுக்குட்பட்ட மூன்று பெண்கள் அடங்குகின்றனர். அவர்களின் உடல்நிலை நல்ல முறையில் இருப்பதாகவும், தாய்லாந்து அதிகாரிகள் அவர்களை முறையாக கவனித்து வருகின்றனர் என்றும் பாங் யிக் ஜுய் தெரிவித்தார்.
மேலும், மலேசிய தூதரகம், இந்த பாதிக்கப்பட்டவர்களுக்கு தாய்லாந்தின் போர்ட் வாசிராப்ரகான் (Fort Vachiraprakan) இராணுவ முகாமில் தற்காலிகமாக தங்குவதற்கு அனுமதி வழங்குமாறு தாய்லாந்து அதிகாரிகளிடம் கோரிக்கை வைத்துள்ளது.
-யாழினி வீரா
