ஒட்டாவா, நவ. 2 – கனடாவின் பிரதமர் மார்க் கார்னி, அமெரிக்க முன்னாள் அதிபர் டொனால்ட் ட்ரம்பிடம் அதிகாரப்பூர்வமாக மன்னிப்பு கேட்டுள்ளார். காரணம், ஓன்டாரியோ மாநில அரசு வெளியிட்ட “எதிர் சுங்க விளம்பரம்” ட்ரம்பின் அதிருப்தியை ஏற்படுத்தியது.
அந்த விளம்பரம் அமெரிக்கா விதித்துள்ள புதிய சுங்க கொள்கைகளை குறிக்கும் வகையில் வெளியிடப்பட்டதாகும். அதில், முன்னாள் அதிபர் ரொனால்ட் ரீகன் வழங்கியதாகக் கூறப்படும் உரைகள் இடம்பெற்றிருந்தது. இது அமெரிக்க ஊடகங்களில் பரவியபோது, ட்ரம்ப் அதனை “அவமதிப்பாக” குறிப்பிட்டு கடுமையாக எதிர்த்தார்.
அதனைத் தொடர்ந்து, ட்ரம்ப் கனடாவுக்கு எதிராக புதிய வர்த்தக நடவடிக்கைகள் எடுக்கப்படலாம் என எச்சரித்தார். இதனால், இரு நாடுகளுக்கிடையிலான வர்த்தக உறவுகள் தற்காலிக பதட்டத்துக்குள்ளாகியுள்ளன.
பிரதமர் கார்னி இதுகுறித்து விளக்கமளித்து, “அந்த விளம்பரம் என் அனுமதியின்றி வெளியிடப்பட்டது. கனடா மற்றும் அமெரிக்கா இடையிலான உறவை பாதிக்கக்கூடிய எந்தச் செயலும் நாங்கள் ஏற்றுக்கொள்ளமாட்டோம்” என்று தெரிவித்தார்.
மேலும், அவர் கூறுகையில், “இரு நாடுகளும் பொருளாதார ரீதியில் ஒன்றுக்கொன்று துணை நிற்கும் முக்கிய பங்காளிகள். நட்பும் மரியாதையும் காக்கப்பட வேண்டும்” என்றார்.
கனடா அரசாங்கம் தற்போது ட்ரம்ப் குழுவுடன் உரையாடி, ஏற்பட்ட தவறான புரிதலை சரிசெய்ய முயற்சிக்கிறது எனத் தெரிவிக்கப்பட்டுள்ளது.
-யாழினி வீரா
