Picture : Awani
மலேசியா கல்வி அமைச்சு அடுத்த ஆண்டு முதல் அனைத்து பள்ளிகளிலும் “குணநலக் கல்வி” என்ற புதிய பாடத்தை அறிமுகப்படுத்தும் என்று கல்வி அமைச்சர் ‘Fadhlina Sidek’ தெரிவித்தார். இந்த பாடத்தின் நோக்கம் மாணவர்களுக்கு புத்தக அறிவோடு சேர்த்து நல்ல பழக்கவழக்கங்கள், பொறுப்பு உணர்வு, மரியாதை, நேர்மை போன்ற நல்ல குணநலங்களை கற்பிப்பதாகும்.
அவர் கூறியதாவது, இன்றைய காலத்தில் தொழில்நுட்பம் அதிகம் வளர்ந்தாலும் மனித மதிப்புகள் குறைந்து வருவது கவலையாக உள்ளது. அதனால் குழந்தைகள் சிறு வயதிலிருந்தே நற்பண்புகளை கற்றுக்கொள்ள வேண்டும். இதற்காக ஆசிரியர்களுக்கு சிறப்பு பயிற்சி அளிக்கப்படும். அவர்கள் மாணவர்களுக்கு கதைகள், விளையாட்டுகள் மற்றும் செயல் வழி கற்றல் மூலம் குணநலக் கல்வியை எளிதில் கற்பிப்பார்கள்.
இந்த புதிய பாடம் தற்போது உள்ள “Moral Education” மற்றும் “Islamic Studies” பாடங்களுக்கு கூடுதல் ஆதரவாக இருக்கும். இது அனைத்து மதங்களும், இனங்களும் சேர்ந்த மாணவர்களுக்கு பொருந்தும். பெற்றோர்களும் இதை ஆதரித்து, வீட்டிலேயே நல்ல பழக்கங்கள் மற்றும் பொறுப்புணர்வை ஊக்குவிக்க வேண்டும் என கல்வி அமைச்சு கேட்டுக்கொண்டுள்ளது.
இந்த அறிவிப்பு Dewan Rakyat-ல் அறிவிக்கப்பட்டது. பலரும் இதை வரவேற்று, இது மாணவர்களின் முழுமையான வளர்ச்சிக்குப் பெரும் பயனாக இருக்கும் என தெரிவித்தனர்.
இந்த முடிவு எதிர்கால மலேசிய மாணவர்களை அறிவிலும் குணநலத்திலும் சிறந்த குடிமக்களாக மாற்றும்!
