ஸ்மானாமா, 20 பிப்ரவரி — மலேசியா மற்றும் பஹ்ரைன் இடையேயான உறவுகளை வலுப்படுத்தும் முக்கியச் செயலில், மலேசியாவின் பேரரசர் சுல்தான் இப்ராஹிம் மற்றும் பஹ்ரைன் மன்னர் ஹமத் இஸா அல்கலீஃபாவின் நெருங்கிய உறவு முக்கிய பங்கு வகிக்கிறது என பிரதமர் டத்தோ ஸ்ரீ அன்வார் இப்ராஹிம் தெரிவித்துள்ளார்.
அதன் மூலம், இரு நாடுகளுக்கும் பொருளாதார வளர்ச்சி கிட்டும் என்றும் அவர் கூறினார்.
“இந்த அதிகாரப்பூர்வ பயணத்தில் மலேசியா பிரதிநிதிகள் மீதான பஹ்ரைன் அரசாங்கத்தின் அதீத அன்புக்கும், மன்னர் ஹமத் அவர்களின் அதிதி வரவேற்புக்கும் நான் ஆழ்ந்த நன்றியைத் தெரிவிக்கிறேன்.
“இந்த சந்திப்பு, இரு நாடுகளுக்குமான முதலீடு மற்றும் வர்த்தகம் உள்ளிட்ட பல்வேறு முக்கியத் துறைகளில் ஒத்துழைப்பை மேலும் வலுப்படுத்தும் ஒரு தளமாக அமையும்,” என அன்வார் மலேசிய ஊடகங்களுக்குக் கூறினார்.
இன்று காலை, அன்வார் பஹ்ரைன் மன்னர் ஹமத் அவர்களை சாகிர் அரண்மனையில் சந்தித்தார். இந்த அதிகாரப்பூர்வ சந்திப்பு ஒரு மணி நேரம் நடைபெற்றது.
பஹ்ரைன் அரச குருநாயகம் மற்றும் பிரதமர் சல்மான் ஹமத் அல்கலீஃபாவின் அழைப்பின் பேரில், அன்வார் நேற்று பஹ்ரைனுக்கு சென்றார். இது அவரது முதல் அதிகாரப்பூர்வ மத்திய கிழக்கு பயணமாகும்.
அன்வார், பஹ்ரைன் நாட்டின் பொருளாதார வளர்ச்சியை முன்னோக்கி அழைத்துச் செல்லும் மன்னர் ஹமத்தின் தலைமைத்துவம் தனக்கு பெரும் ஊக்கமளிக்கிறது என்றும் கூறினார்.
அவரது பயணத்தின் போது, அல-அச்ஹர் அல்-ஷரீஃப் மத பேராசிரியர் டாக்டர் அகமது முகமது அகமது அல்-தயீப் அவர்களை சந்தித்தார். இதில் மலேசியாவில் அரபு மொழி நிறுவனம் ஒன்றை உருவாக்கும் ஒப்பந்தம் குறித்து கலந்துரையாடப்பட்டது.
இவ்விரு நாடுகளுக்கு இடையேயான நீண்ட காலத் தூதரணி உறவுகள் கடந்த ஆண்டு நவம்பரில் 50வது ஆண்டு விழாவை கொண்டாடியது. தற்போது 297 மலேசியர்கள் பஹ்ரைனில் வசிக்கின்றனர், இதில் மூன்று மாணவர்கள் உயர் கல்வி பயின்றுவருகின்றனர்.
-யாழினி வீரா
