சென்னை, 1 நவ. –
இயக்குநர் பிரபு சாலமன் இயக்கத்தில் உருவாகியுள்ள “கும்கி 2” திரைப்படத்தின் முதல் பாடல் “பொத்தி பொத்தி உன்னை வச்சி” இன்று வெளியிடப்பட்டுள்ளது. இதன் இசையை நிவாஸ் கே. பிரஸன்னா அமைத்துள்ளார். மென்மையான மெட்டிலும் உணர்ச்சியையும் இணைத்த இந்த பாடல் சில நிமிடங்களில் ரசிகர்களின் மனதை கவர்ந்துள்ளது.
2012ஆம் ஆண்டு வெளிவந்த “கும்கி” திரைப்படம் மிகுந்த வரவேற்பைப் பெற்றது. அதற்குப் பின்வரும் தொடர்ச்சியாக உருவாகியுள்ள “கும்கி 2” படத்தில், புதிய முகமாக மதியழகன் கதாநாயகனாக அறிமுகமாகிறார். வில்லனாக ஹரிஷ் பெராடி நடித்துள்ளார். இயற்கையை மையமாகக் கொண்டு, மனிதன் மற்றும் விலங்குகளின் பாச உறவை எடுத்துக்காட்டும் வகையில் இப்படம் வடிவமைக்கப்பட்டுள்ளது.
பாடல் வெளியீட்டு விழாவில், இயக்குநர் பிரபு சாலமன் கூறியதாவது, “இது வெறும் தொடர்ச்சி அல்ல, உணர்ச்சியின் மறுபிறப்பாகும்” என்றார். மேலும், படத்தின் மற்ற பாடல்கள் மற்றும் டிரைலர் விரைவில் வெளியிடப்படவுள்ளதாகவும் தெரிவித்தார்.
“கும்கி 2” திரைப்படம் நவம்பர் 14ஆம் தேதி திரையரங்குகளில் வெளியாக உள்ளது. இயற்கை காட்சிகளும், உணர்ச்சிப் பெருக்கமுமாக கூடிய இந்த படம், ரசிகர்களுக்கு ஒரு புதிய அனுபவமாக இருக்கும் என எதிர்பார்க்கப்படுகிறது.
