சிரம்பான், 7 நவ. – வட-தெற்கு நெடுஞ்சாலையில் (PLUS Highway) இன்று காலை நிகழ்ந்த கடுமையான சாலை விபத்தில் இரண்டு பேர் காயமடைந்ததுடன், ஆறு பேர் அதிர்ஷ்டவசமாக உயிர் பிழைத்தனர். இந்த விபத்தில் புரோட்டான் X70 மற்றும் புரோட்டான் சாகா BLM என்ற இரண்டு வாகனங்கள் மோதிக்கொண்டதாக நெகிரி செம்பிலான் மாநில தீயணைப்பு மற்றும் மீட்பு துறை உறுதிப்படுத்தியுள்ளது.
துறையின் தகவலின்படி, சம்பவம் இன்று காலை சுமார் 9.55 மணியளவில் செரம்பான் அருகே, வடக்கு நோக்கிச் செல்லும் பாதையில் ஏற்பட்டது. விபத்து குறித்து தகவல் கிடைத்தவுடன் செரம்பான் 2 மீட்புக் குழுவினர் உடனடியாக சம்பவ இடத்துக்குச் சென்றனர். அவர்கள் அங்கு சென்றபோது இரு வாகனங்களும் கடுமையாக சேதமடைந்திருந்ததாக கூறப்படுகிறது.
மொத்தம் எட்டு பேர் இதில் சிக்கியிருந்தனர். அதில் இரண்டு பேர் காயமடைந்த நிலையில் உடனடியாக மருத்துவமனைக்கு அனுப்பப்பட்டனர். மீதமுள்ள ஆறு பேர் சிறிய காயங்களுடன் தப்பியதாக அதிகாரிகள் தெரிவித்தனர்.
விபத்தின் காரணம் குறித்து இதுவரை உறுதி செய்யப்படவில்லை. எனினும், அந்த பகுதியில் போக்குவரத்து ஒரு கட்டத்தில் மந்தமடைந்தது. போலீசார் சம்பவ இடத்தில் போக்குவரத்தை கட்டுப்படுத்தி, மேலதிக விசாரணையை தொடங்கியுள்ளனர்.
அதிகாரிகள் பொதுமக்களுக்கு வாகனம் ஓட்டும் போது வேகத்தை கட்டுப்படுத்தி, நெடுஞ்சாலைகளில் பாதுகாப்பு விதிகளைப் பின்பற்ற வேண்டுமென நினைவூட்டினர்.
-யாழினி வீரா
