பீஜிங், 23 அக். –
சர்வதேச நீதிமன்றமான ஐ.சி.ஜே. (International Court of Justice) வெளியிட்ட ஆலோசனைக் கருத்தை அனைத்து நாடுகளும் மதித்து, பின்பற்ற வேண்டும் என சீனா வலியுறுத்தியுள்ளது.
இந்த ஆலோசனைக் கருத்து, இஸ்ரேல் ஆக்கிரமித்துள்ள பகுதி நிலங்களில் மனிதாபிமான உதவிகளை அனுமதிக்க வேண்டும் என்பதைக் குறிப்பிடுகிறது. இதனைத் தொடர்ந்து, சீன வெளிவிவகார அமைச்சின் பேச்சாளர் குவோ ஜியாகுன், “இஸ்ரேல், ஐ.சி.ஜே. கருத்தின்படி, ஐ.நா. அமைப்புகள் மற்றும் மனிதாபிமான அமைப்புகளுடன் இணைந்து உதவிகளை விரைவாக வழங்க வேண்டும்” என தெரிவித்துள்ளார்.
சீனா இந்நிகழ்வில் முக்கிய பங்காற்றியதுடன், ஆலோசனைக் கருத்து உருவாக்கத்தில் பங்குபெற்று, மனிதாபிமான ஒத்துழைப்பை வலியுறுத்தியதாகவும் கூறப்படுகிறது.
அதேநேரம், சர்வதேச சட்ட நிபுணர்கள், இந்த ஆலோசனைக் கருத்து உலக அரசியலிலும் மனிதாபிமான சட்ட நடைமுறைகளிலும் பெரும் தாக்கத்தை ஏற்படுத்தும் என மதிப்பிடுகின்றனர்.
சீனா மேலும் தெரிவித்ததாவது, “இந்த கருத்து சர்வதேச சட்டத்தின் மரியாதையையும், மனித உரிமைகளின் பாதுகாப்பையும் வலுப்படுத்தும்” எனும் நோக்கத்துடன், அனைத்து நாடுகளும் இதனை மதித்து செயல்பட வேண்டுமெனக் கேட்டுக்கொண்டது.
– யாழினி வீரா
