கோலாலம்பூர், 25 அக். – மலேசியா ஆட்டோமொட்டிவ், தொழில்நுட்ப மற்றும் இன்ஜினீயரிங் மாநாடு (MATEC 2025) அடுத்த ஆண்டில் நடைபெறவுள்ளது. இது நாட்டின் வாகனத்துறையை மேலும் வலுப்படுத்தி, புதிய முதலீடுகள் மற்றும் தொழில்நுட்பங்களை ஈர்க்கும் முக்கிய தளமாக அமையும் என எதிர்பார்க்கப்படுகிறது.
மலேசியாவின் வாகன உற்பத்தித் துறையை முன்னேற்றும் நோக்கில், இந்த மாநாடு “Driving the Future of Mobility” எனும் தீமையின் கீழ் நடைபெற உள்ளது. இதன் மூலம் மின்சார வாகனங்கள், சுய இயக்க வாகனங்கள் மற்றும் பசுமை ஆற்றல் தீர்வுகள் பற்றிய பல்வேறு விவாதங்கள் நடைபெறும்.
வணிக மற்றும் முதலீட்டு வாய்ப்புகளை பெருக்கி, உள்ளூர் நிறுவனங்களுக்கும் உலகளாவிய பங்குதாரர்களுக்கும் இணைப்பை ஏற்படுத்துவது இந்த மாநாட்டின் முக்கிய நோக்கங்களில் ஒன்றாகும். MATEC 2025 இல் தொழில்துறை தலைவர்கள், பொறியியல் நிபுணர்கள், அரசாங்க பிரதிநிதிகள் உள்ளிட்டோர் கலந்து கொண்டு, வாகனத்துறையின் எதிர்கால திசைகளைப் பற்றி கலந்துரையாடுவார்கள்.
மலேசியா தற்போது தென்கிழக்கு ஆசிய வாகன உற்பத்தி மையங்களில் ஒன்றாக உருவெடுத்து வரும் நிலையில், இந்த மாநாடு நாட்டை “Automotive Hub of ASEAN” ஆக மாற்றும் வழிகாட்டியாகவும் அமையும் என்று வல்லுநர்கள் குறிப்பிடுகின்றனர்.
மேலும், இம்மாநாடு இளம் தொழில்நுட்ப வல்லுநர்கள் மற்றும் தொழில்முனைவோர்களுக்கு புதிய வாய்ப்புகளைத் திறக்கும் எனவும் தெரிவிக்கப்பட்டுள்ளது. MATEC 2025 மூலம் மலேசியா, பசுமை வாகன உற்பத்தி துறையில் முன்னோடி நாடாக தன்னை நிலைநிறுத்தும் முயற்சியில் உள்ளது.
-யாழினி வீரா
