நீலாய், 21 பிப்ரவரி — நீலாய் 3 வணிக மையத்திற்கு அருகில் அமைந்திருந்த ஒரு கம்பள தொழிற்சாலை இன்று காலை ஏற்பட்ட தீ விபத்தில் முழுமையாக நாசமானது.
நெகிரி செம்பிலான் தீயணைப்பு மற்றும் மீட்பு துறையின் (JBPM) தகவலின்படி, காலை 7.49 மணிக்கு தீ விபத்துக்கான தகவல் வந்ததை தொடர்ந்து, தீயணைப்பு வீரர்கள் 10 நிமிடங்களில் சம்பவ இடத்திற்கு சென்றனர்.
அழிவிற்குள்ளான தொழிற்சாலை 300×500 அடி பரப்பளவுடன் அமைந்திருந்தது. தீயால் 100% கட்டிட சேதம் ஏற்பட்டுள்ளதால், முழு கட்டிடமும் முற்றிலும் அழிந்துவிட்டது. எவருக்கும் காயம் ஏற்படவில்லை என அதிகாரிகள் உறுதிப்படுத்தினர்.
தீயணைப்பு வீரர்கள் நீலாய், மந்தின் மற்றும் சிரம்பான் 2 (BBP) நிலையங்களில் இருந்து தீயை கட்டுப்படுத்த முயற்சி செய்து வருகின்றனர்.
தீ விபத்தால் புகை மூட்டம் நிலை மற்றும் சுற்றுப்புற பகுதிகளை மூடியுள்ளது. தீ விபத்துக்கான காரணம் குறித்து விசாரணை நடைபெற்று வருகிறது. மேலும் தகவல்கள் பின்னர் அறிவிக்கப்படும் என அதிகாரிகள் தெரிவித்தனர்.
-வீரா இளங்கோவன்
