கோலாலம்பூர், செப் 24 – நாட்டின் பல சிறைகளில் இருந்தபடியே குற்றச் செயல்களை இயக்கிய பெரிய கும்பலை போலீசார் சிக்கவைத்துள்ளனர். இந்த சிறப்பு நடவடிக்கையில் 17 பேர் கைது செய்யப்பட்டுள்ளனர்.
புகார் வந்தவுடன், புக்கிட் அமான் தலைமையிலான விசாரணைக் குழு விரிவான புலனாய்வு நடத்தியது. கைதானவர்களில் சிலர் சிறையிலிருந்தே வெளியுலகில் உள்ள கூட்டாளிகளுக்கு வழிகாட்டி, வஞ்சனை, மோசடி, சட்டவிரோத பரிவர்த்தனை போன்ற செயல்களை மேற்கொண்டது தெரியவந்துள்ளது.
‘ஜாக் ஸ்பெரோ’ எனப் பெயரிடப்பட்ட இந்த நடவடிக்கை, பல மாநிலங்களில் ஒரே நேரத்தில் மேற்கொள்ளப்பட்டது. கைது செய்யப்பட்டவர்களில் முக்கிய தலைவர்கள், தொடர்பாளர்கள் மற்றும் பண பரிமாற்றத்தில் ஈடுபட்டவர்கள் அடங்குவதாக போலீசார் தெரிவித்தனர்.
“சிறைகளுக்குள் இருந்தும் சட்ட விரோத செயல்களை கட்டுப்படுத்த முடியாது என்று யாரும் நினைக்கக்கூடாது. சட்டத்தின் கைகள் எங்கும் சேரும்,” என விசாரணை அதிகாரி வலியுறுத்தினார்.
இந்த வழக்கு தொடர்பான மேலதிக விசாரணைகள் நடைபெற்று வருகின்றன. குற்றவாளிகள் மீது கடுமையான நடவடிக்கை எடுக்கப்படும் எனவும், பொதுமக்கள் எந்தவித சந்தேககரமான அழைப்புகளையோ அல்லது பரிவர்த்தனைகளையோ உடனடியாக புகார் செய்ய வேண்டும் எனவும் போலீசார் அறிவுறுத்தினர்.
-யாழினி வீரா
