Picture : Awani
Kuala Lumpur, 20 மே 2026: Piala Malaysia 2025/2026 இறுதிப் போட்டியின் போது எந்தவிதமான தூண்டுதல் (provokasi), வன்முறை அல்லது குழப்பம் ஏற்படுத்தும் செயல்களில் ஈடுபடும் நபர்கள் மீது கடும் சட்ட நடவடிக்கை எடுக்கப்படும் என்று மலேசிய போலீஸ் துறை (PDRM) எச்சரித்துள்ளது.
Kuala Lumpur போலீஸ் தலைவர் Datuk Fadil Marsus கூறுகையில், இறுதிப் போட்டி நடைபெறும் நாளில் ரசிகர்களின் பாதுகாப்பை உறுதி செய்ய முழுமையான பாதுகாப்பு ஏற்பாடுகள் செய்யப்பட்டுள்ளதாக தெரிவித்தார். போலீஸ் மற்றும் பிற பாதுகாப்பு அமைப்புகள் இணைந்து நிலைமையை கட்டுப்படுத்தும் பணியில் ஈடுபடுவதாகவும் அவர் கூறினார்.
அவர் மேலும் கூறுகையில், ஸ்டேடியம் நுழைவு வாயில்களில் கடுமையான சோதனைகள் நடத்தப்படும். ரசிகர்கள் பட்டாசு, புகை வெடிகள் (flares), லேசர் கருவிகள், கூர்மையான பொருட்கள் போன்ற அபாயகரமான பொருட்களை கொண்டு வர அனுமதி இல்லை என்றும் தெளிவுபடுத்தப்பட்டது. மேலும், ரசிகர்கள் பாதுகாப்பு அதிகாரிகளின் அறிவுறுத்தல்களை கடைபிடிக்க வேண்டும், பொதுப் போக்குவரத்தை பயன்படுத்த வேண்டும், மற்றும் போக்குவரத்து நெரிசலை தவிர்க்க வேண்டும் எனவும் போலீஸ் அறிவுறுத்தியுள்ளது.
பல்லாயிரக்கணக்கான ரசிகர்கள் வருகை தருவார்கள் என எதிர்பார்க்கப்படுவதால், எந்தவிதமான தூண்டுதல் அல்லது வன்முறை செயல்களும் சட்டப்படி கடுமையாக கையாளப்படும் என்று PDRM உறுதி செய்துள்ளது. இந்த நடவடிக்கை போட்டி அமைதியாகவும் பாதுகாப்பாகவும் நடைபெற வேண்டும் என்பதற்காக எடுக்கப்பட்டதாக அதிகாரிகள் தெரிவித்துள்ளனர்.
