Picture : Awani
Cyberjaya, 17 April 2026 – Malaysia Australia-க்கு எண்ணெய் விற்பதாக பரவி வரும் குற்றச்சாட்டுகளை PM Anwar Ibrahim மறுத்துள்ளார்.
அவர் கூறியதாவது, தற்போதைய உலக எரிசக்தி சந்தை நிலைமை மாற்றமடைந்து கொண்டிருக்கும் நிலையில், Malaysia அரசின் முதன்மை நோக்கம் உள்நாட்டு தேவைகளை பூர்த்தி செய்வதாகும். மக்களின் எரிபொருள் தேவைகள் பாதிக்கப்படக் கூடாது என்பதையே அரசு முன்னுரிமையாகக் கொண்டுள்ளது. “எங்களிடம் அதிகப்படியான (lebihan) எரிபொருள் இருந்தால் மட்டுமே வெளிநாடுகளுக்கு வழங்குவது குறித்து பரிசீலிக்க முடியும்; தற்போது அத்தகைய நிலை இல்லை,” என்று அவர் விளக்கினார்.
மேலும், Malaysia மற்றும் Australia இடையிலான ஒத்துழைப்பு எரிபொருள் விற்பனைக்கு மட்டும் அல்லாது, பரஸ்பர தேவைகளை பூர்த்தி செய்யும் பரிமாற்ற அடிப்படையில் அமைந்துள்ளது என்றும் அவர் குறிப்பிட்டார். உதாரணமாக, Malaysia urea வழங்குவதோடு Australia-விலிருந்து fosfat பெறுகிறது என தெரிவித்தார். Australia-க்கு diesel வழங்கும் திறன் தற்போது Malaysia-க்கு இல்லை என்றும் அவர் தெளிவுபடுத்தினார்.
அதே நேரத்தில், Malaysia–Australia உறவு பல துறைகளில் வலுவாக இருந்து வருவதாகவும், இரு நாடுகளும் எரிசக்தி பாதுகாப்பு மற்றும் வர்த்தக ஒத்துழைப்பை தொடர்ந்து மேம்படுத்தி வருவதாகவும் அவர் கூறினார். மொத்தத்தில், Malaysia தனது உள்நாட்டு தேவைகளை முன்னுரிமை அளிக்கும் கொள்கையை கடைப்பிடித்து வருவதாகவும், தவறான தகவல்களை மக்கள் நம்ப வேண்டாம் என்றும் PM Anwar Ibrahim வலியுறுத்தினார்.
