Picture : Awani
Kuala Lumpur, 20 மே 2026: Dewan Bandaraya Kuala Lumpur (DBKL) வணிக உரிமம் (business licence) புதுப்பிப்பை இனி அதிகபட்சம் மூன்று ஆண்டுகள் வரை செய்யக்கூடிய புதிய திட்டத்தை அறிமுகப்படுத்தியுள்ளது. இது வரும் 1 ஜூலை முதல் அமலுக்கு வரும் என்று அறிவிக்கப்பட்டுள்ளது.
இந்த புதிய நடைமுறை வியாபாரிகளின் சுமையை குறைக்கும் நோக்கில் கொண்டு வரப்பட்டுள்ளது. இதுவரை ஒவ்வொரு ஆண்டும் உரிமத்தை புதுப்பிக்க வேண்டியிருந்த நிலையில், இனி வியாபாரிகள் தங்கள் தேவைக்கு ஏற்ப ஒரு முதல் மூன்று ஆண்டுகள் வரை உரிமத்தை புதுப்பிக்க முடியும்.
DBKL தெரிவித்ததாவது, இந்த மாற்றம் நகர நிர்வாக சேவைகளை எளிமைப்படுத்தவும், டிஜிட்டல் முறையில் சேவைகளை மேம்படுத்தவும் உதவும். ஆன்லைன் e-lesen முறையின் மூலம் விண்ணப்பம் மற்றும் புதுப்பிப்பு செயல்முறைகள் மேலும் விரைவாக நடைபெறும் என்றும் கூறப்பட்டுள்ளது. சிறு மற்றும் நடுத்தர வியாபாரிகளுக்கு இந்த திட்டம் மிகவும் பயனுள்ளதாக இருக்கும் என்று எதிர்பார்க்கப்படுகிறது. இது அவர்களின் நிர்வாகச் செலவையும் நேரத்தையும் குறைக்கும் எனவும் DBKL தெரிவித்துள்ளது.
அதே நேரத்தில், அனைத்து தற்போதைய விதிமுறைகளும் தொடரும் என்றும், கடை பராமரிப்பு, சுகாதாரம் மற்றும் பாதுகாப்பு விதிகளை பின்பற்ற வேண்டும் என்றும் அதிகாரிகள் வலியுறுத்தியுள்ளனர். இந்த நடவடிக்கை கோலாலம்பூரில் வணிக சூழலை மேலும் மேம்படுத்தும் ஒரு முக்கிய முயற்சியாக பார்க்கப்படுகிறது.
