Picture : Awani
Kuala Lumpur, 21 April 2026 – சிறு, குறு மற்றும் நடுத்தர தொழில்முனைவோர் (PMKS) அதிகளவில் நிதி ஆதரவை பெறும் வகையில், RM5 பில்லியன் மதிப்பிலான கூடுதல் நிதி முயற்சியை அரசு அறிவித்துள்ளதாக பிரதமர் Datuk Seri Anwar Ibrahim தெரிவித்துள்ளார்.
அவர் கூறியதாவது, இந்த முயற்சி Bank Negara Malaysia கீழ் செயல்படுத்தப்படும் சிறப்பு திட்டமாகும். இது முன்பு அறிவிக்கப்பட்ட Skim Jaminan Pembiayaan Perniagaan (SJPP) RM5 பில்லியன் உத்தரவாதத்திற்கான கூடுதல் ஆதரவாக அமைகிறது என அவர் விளக்கினார்.
இந்த நடவடிக்கை உலகளாவிய எரிசக்தி நெருக்கடி மற்றும் மேற்கு ஆசிய மோதலால் உருவான பொருளாதார அசாதாரண நிலையை சமாளிக்க உடனடி உதவியாக இருக்கும். குறிப்பாக லாஜிஸ்டிக்ஸ், வேளாண்மை மற்றும் கட்டுமானத் துறைகளில் செயல்படும் நிறுவனங்கள் இந்த திட்டத்தின் மூலம் ஆதரவு பெறும் என அவர் தெரிவித்தார்.
இந்த கூடுதல் ஒதுக்கீடு மூலம் மேலும் பல PMKS தொழில்முனைவோர்கள் நிதி வசதிகளை பெற முடியும், என்று அவர் கூறினார். மேலும், இந்த உதவி சிறு விவசாயிகள், மீனவர்கள், தெரு விற்பனையாளர்கள் மற்றும் சிறு வணிகர்கள் போன்ற அடிப்படை பொருளாதார ஆதாரமாக உள்ள குழுக்களுக்கும் சென்றடைய வேண்டும் என அவர் வலியுறுத்தினார்.
அரசாங்கம் இந்த முயற்சிகளை விரைவாக செயல்படுத்த நடவடிக்கை எடுத்து வருவதாகவும், தேவையற்ற நிர்வாக தாமதங்கள் இல்லாமல் உதவிகள் வழங்கப்படும் என்றும் அவர் தெரிவித்தார். மொத்தத்தில், RM5 பில்லியன் கூடுதல் நிதி முயற்சி PMKS துறையின் நிலைத்தன்மையை உறுதிப்படுத்தி, உலக பொருளாதார சவால்களை எதிர்கொள்ள முக்கிய ஆதரவாக அமையும் என பிரதமர் அன்வர் வலியுறுத்தினார்.
