Picture : Awani
PORT DICKSON: நாட்டின் பாதுகாப்பு சொத்துகள் கொள்முதல் நடவடிக்கைகளில் இடைத்தரகர்கள் அல்லது முகவர்களின் (ejen) பங்கேற்பை அரசாங்கம் நிறுத்தியுள்ளதாக பிரதமர் அன்வார் இப்ராஹிம் தெரிவித்துள்ளார். இதன் மூலம் அரசாங்கச் செலவினங்களை குறைத்து, கொள்முதல் செயல்முறையில் வெளிப்படைத்தன்மை மற்றும் நல்லாட்சியை மேலும் வலுப்படுத்த முடியும் என்று அவர் கூறினார்.
அன்வார் இப்ராஹிம் கூறுகையில், பாதுகாப்பு உபகரணங்கள் மற்றும் கப்பல்கள் உள்ளிட்ட முக்கிய சொத்துகள் இனி Government-to-Government (G2G) முறையில் நேரடியாக வாங்கப்படுகின்றன. இதனால் அதிகளவிலான கமிஷன் பெறும் இடைத்தரகர்களின் தேவையே இல்லாமல் போயுள்ளதாக அவர் தெரிவித்தார்.
Littoral Combat Ship (LCS) தொடர்பான கொள்முதல் நடவடிக்கையில், Türkiye அரசுடன் நேரடியாக பேச்சுவார்த்தை நடத்தப்பட்டதாக பிரதமர் விளக்கினார். இதற்காக அவர் Türkiye அதிபர் Recep Tayyip Erdoğan-ஐ நேரடியாக தொடர்புகொண்டு, இரு அரசுகளுக்கும் இடையே நேரடி பேச்சுவார்த்தை நடத்த முன்மொழிந்ததாக கூறினார். அந்த முன்மொழிவை Erdoğan வரவேற்றதைத் தொடர்ந்து, தொழில்நுட்ப நிபுணர்கள் மற்றும் Kementerian Kewangan அதிகாரிகள் இணைந்து செலவுகளை மதிப்பீடு செய்து கொள்முதல் செயல்முறையை முன்னெடுத்ததாக அவர் தெரிவித்தார்.
இந்த புதிய அணுகுமுறையின் மூலம் LCS கொள்முதல் செலவு சுமார் 15 சதவீதம் வரை குறைக்கப்பட்டதாக அன்வார் இப்ராஹிம் கூறினார். அரசாங்கம் நேரடியாக பேச்சுவார்த்தை நடத்தியதால் தேவையற்ற கமிஷன் செலுத்த வேண்டிய அவசியம் நீக்கப்பட்டதுடன், மக்களின் பணமும் பாதுகாக்கப்பட்டுள்ளதாக அவர் குறிப்பிட்டார்.
பாதுகாப்பு துறையில் ஊழல் மற்றும் முறைகேடுகளுக்கு இடமளிக்காத நிர்வாகத்தை உருவாக்குவதே அரசாங்கத்தின் நோக்கம் என்றும் பிரதமர் வலியுறுத்தினார். அதற்காக பாதுகாப்பு சொத்துகள் கொள்முதல் தொடர்பான நடைமுறைகள் அனைத்தும் மறுசீரமைக்கப்பட்டு, வெளிப்படைத்தன்மை, பொறுப்புணர்வு மற்றும் நிதி ஒழுங்குமுறைக்கு முன்னுரிமை வழங்கப்பட்டுள்ளதாக அவர் தெரிவித்தார்.
அரசாங்கத்தின் இந்த நடவடிக்கை, நாட்டின் பாதுகாப்புத் துறையில் நல்லாட்சியை வலுப்படுத்துவதோடு, பொதுமக்களின் வரிப்பணத்தை சிக்கனமாக பயன்படுத்தும் முயற்சிக்கும் முக்கியத்துவம் அளிப்பதாகக் கருதப்படுகிறது. எதிர்காலத்திலும் அனைத்து முக்கிய பாதுகாப்பு கொள்முதல்களும் வெளிப்படையான மற்றும் நேரடி அரசாங்க ஒத்துழைப்பு முறையின் அடிப்படையில் மேற்கொள்ளப்படும் என்று அன்வார் இப்ராஹிம் உறுதியளித்தார்.
அன்வார்இப்ராஹிம்,LCS,பாதுகாப்புசொத்துகள்,Malaysia,KerajaanMADANI,G2G,PertahananMalaysia,நல்லாட்சி,
